Gañador do Mestre Mateo na categoria de Mellor Guión

Xunto a morea de guionistas de As Leis de Celavella que fixemos posible a terceira e carta temporada. A serie de Voz Audiovisual foi de novo a triunfadora da noite, sendo premiada ata dez veces, tantas como nominacións tiña. A foto de enriba (xunto a Marcos Nine, outro dos premiados) é o máis preto fisicamente que estivemos da estatuiña que representa o xenial escultor medieval autor do Pórtico da Gloria da catedral compostelana. Noraboa ademáis a Yolanda Castaño, compañeira miña en Cifras e Letras, que levouse o premio a mellor comunicadora.

B.S.O en Vigo

Xunto co segundo número de La Patrulla Caspa. Arriba tedes a imaxes dalgúns dos que se pasaron por El Monstruo de un solo ojo para disfrutar da festa. Grazas os presentes, moitos deles vellos amigos de Compostela e incluso compañeiros do grupo de teatro Nús ou afecionados do Athletic. E tamén a Suka e Raúl (na imaxe), que ademáis de tocar no poderoso combo metalero Kannon son dous tipos excelentes.

Festa presentación BSO en Vigo

Vigo é unha das miñas cidades favoritas, aínda que a maior parte dos meus amigos vigueses andan fartos dela. Agás algunhas excepcións (nunha ocasión unha vella deume vinte pesos dos daquela ao verme chorar na rúa) sempre o pasei ben: polos seus locais en Churruca, a ría no verán, o barco a Moaña e as goleadas que o Depor polo xeral colleita cando xoga en Balaidos (as últimas veces que saín por alí coincidiú)… e algún que outro culto inconfesable. Este sábado 18, véspora dos Mestre Mateo, terei a oportunidade de facer a festa de presentación de B.S.O e pinchar no El Monstruo de un solo ojo. Xa tiven a oportunidade de coñecer o estupendo local cando pinchara Adrian LeFreak hai uns meses.

Para a ocasión a celebración e dobre e conxunta, xa que tamén aproveitamos para presentar o número dous de La Patrulla Caspa, o cómic en formato fanzine que debuxa e edita o meu amigo Ruben García (outro vasco coma min, aínda que guiputxi de Donosti) e no cal colaboro cun artigo sobre Álvaro Vitali, o lendario Jaimito.

Pois iso, o sábado a partir da hora meiga!